Menu

Share this PostPin ThisShare on TumblrShare on Google PlusEmail This



Kwenye kiwanda kinachotengeneza zile Filamu za dunia (Hollywood) Marekani kunazo Nyota nyingine ambazo zina damu nyingi ya Afrika, yani Mastaa ambao wanang’ara Hollywood lakini wana asili au damu ya Afrika.

10. Lupita Nyong’o



Lupita Nyong’o ni Mzaliwa wa Mexico lakini mwenye asili ya Kenya, na ameshinda tuzo za Oscar za mwaka 2013, Movie ya “12 years a slave” ndio iliyompa nafasi ya kushinda tuzo hiyo ambapo pia mwaka 2014 katika jarida la “People” la Marekani alitajwa kama Mwanamke mwenye mvuto duniani na mwaka 2018 tutarajie kumuona kwenye movie mpya ya black panther.

9. Kandyse McClure





Kandyse alizaliwa Durban, Afrika Kusini ambapo kutokana na uzuri wa kazi anazozifanya Marekani amepata sifa na umaarufu mkubwa na kumfanya kuingia katika list ya waigizaji 10 wa kike kutokea Afrika wanaofanya vizuri Hollywood, moja ya kazi zake zilizompa umaarufu ni “Hemlock Graove”

8. Thandie Newton



Thandie Newton amezaliwa November 6 1972 London England lakini ana asili ya kiafrika akitokea Zimbabwe, ameshiriki kwenye filamu ya Mission impossible 2 akiwa na muigizaji maarufu Tom Cruise.

7. Ella Thomas



Mrembo huyu alizaliwa Eritrea na alishawahi kushiriki kwenye tamthilia tofauti za Marekani ikiwemo CSI NEW YORK na amewahi kuigiza kama mpenzi wa P Diddy katika tamthilia ya “Entourage” , Ella Thomas ameshawahi pia kutumika kwenye majarida mbalimbali kama ya Vogue, Glamour, ELLE, Tiffany na Levis ya Marekani.

6. Megalyn Echikunwoke



Ni Mwigizaji wa Marekani ambae alizaliwa Spokane,Washington huku baba yake akiwa ni mzaliwa wa Nigeria, ameonekana kwenye “90210”, “The 70s show”,”House of lies” na kwenye tamthilia ya “The 4400”

5. Michelle Van Der Water



Ingawa amelelewa na kukulia Australia, Michelle ni mzaliwa wa Afrika Kusini ambapo baba yake ana asili ya Dutch-African na mama yake akiwa Indian-African, Mrembo huyu ameshiriki kwenye tamthilia ya Castle, Melrose Place na NCIS Los Angeles.

4. Liya Kebede



Ni Mwanamitindo/Mwigizaji pekee Mzaliwa wa Ethiopia ambae aliwahi kutajwa na Jarida la FORBES kuwa Model anaeshika namba 11 duniani kwa kulipwa pesa nyingi.

Liya amewahi kutumika kwenye matangazo ya kampuni ya Estee Lauder na pia kwenye makampuni mengine makubwa na amewahi kutokea kwenye majarida ya Victoria Secret, Tommy Hilfiger, Yves Saint -Laurent, Dolce & Gabbana, Louis Vuitton.

3. Gugu Mbatha-Raw



Ukiachilia mbali kuwa ni Mwigizaji, Gugu ana asili ya kiafrika kutokea Afrika Kusini ambapo mama yake anatokea Uingereza na amelelewa na kukulia upende wa mama yake lakini baba yake mzazi Dr Patrick Mbatha anatokea Afrika Kusini.

Jina na umaarufu alionao ni kutokana na vipindi vya TV na Tamthilia.

2. Azie Tesfai



Azie Tesfai amelelewa na kukulia Los Angeles Marekani ambapo wazazi wake wote wawili wana asili ya Ethiopia na Eritrea, umaarufu wake umepatikana kupitia movie ya Jane The Virgin lakini pia ni Mwigizaji mwenye degree ya Business Administration yaani masuala ya utawala katika biashara.
Charlize Theron



Ni Mwigizaji mwenye asili ya Afrika Kusini ambae wengi walimfahamu zaidi kupitia filamu za The Cider House Rules, The devils Advocate na Monster.

Post a Comment

 
Top