Menu

Share this PostPin ThisShare on TumblrShare on Google PlusEmail This
Mabingwa watetezi wa Ligi Kuu England club ya Chelsea inafikiria kumpeleka Mahakani mshambuliaji wao wa kimataifa wa Hispania mwenye asili ya Brazil Diego Costa kama ataendelea kukaidi kurudi kikosini kama mkataba wake unavyomtaka.Diego Costa anayelipwa mshahara wa pound 185,000 kwa wiki na Chelsea, anafikiriwa kufungiliwa shitaka la kukiuka vipengele vilivyomo katika mkataba wake, Costa ni miongoni mwa majina 25 ya wachezaji wa Chelseawatakaoshiriki EPL 2017/2018 lakini hayumo katika list ya Champions League.
Diego Costa
Moja kati ya sababu zilizomfanya Diego Costa agome kurudi Chelsea anadaiwa kutokuwa katika mahusiano mazuri na kocha wa sasa wa Chelsea Antonio Conte, hivyo alikuwa anashinikiza kurudi Atletico Madrid kwa mkopo kabla ya dirisha la usajili halijafungwa.
Antonio Conte
Hivi karibuni Diego Costa kutokana na kukosekana katika kikosi cha Chelsea kilichosafiri kwa ajili ya Pre Season Tour alipigwa faini, Costa amebakiza mkataba wa miaka miwili na Chelsea na kama akiendelea kugoma kurudi inawezekana akalazimika kulipa fidia ya kuvunja mkataba wake.

Post a Comment

 
Top